હે જી તારા આંગણિયા પુછીને જે કોઈ આવે રે,
આવકારો મીઠો, આપજે રે જી …
હે જી તારે કાને સંકટ કોઈ સંભળાવે રે,
બને તો થોડું, કાપજે રે જી …
માનવીની પાસે કોઈ, માનવી ન આવે રે…(૨)
તારા દિવસની પાસે દુ:ખિયાં આવે રે
આવકારો મીઠો, આપજે રે જી …
કેમ તમે આવ્યા છો, એમ નવ કે’જે રે…(૨)
એને ધીરે એ ધીરે તું બોલવા દેજે રે
આવકારો મીઠો, આપજે રે જી …
વાતું એની સાંભળીને, આડું નવ જોજે રે…(૨)
એને માથૂં એ હલાવી હોંકારો દેજે રે
આવકારો મીઠો, આપજે રે જી …
‘કાગ’ એને પાણી પાજે, ભેળો બેસી ખાજે રે…(૨)
એને ઝાંપા એ સુધી તું મેલવા જાજે રે
આવકારો મીઠો, આપજે રે જી …
Subscribe to:
Post Comments (Atom)
No comments:
Post a Comment